Archive for ‘Biblioteklokaler’

januar 17, 2020

«- Etterspørsel etter bibliotek, trening og helsetjenester»

Hjørring 2018

Kjøpesenter, med bibliotek oppe til høgre. Hjørring, DK

Vi har fått høyre at vi har ubalanse i kjeldene våre; ei viss avis på venstresida, og med stalinistisk fortid, er blitt ein gjengangar her på bloggen. Då svarer vi gjerne at avisa er ei av dei klart beste kulturavisene (som dessverre ikkje seier så mykje lenger), og med ein del bibliotekrelevant stoff. Rett nok ikkje utan feil, ho heller. Men for å verkeleg forsøke å kompensere deler vi i dag ei sak frå «Retailmagasinet» – eit «uavhengig fagtidsskrift for drift og ledelse av kjeder og kjøpesenter».

Her kan vi lese om stoda i 2019 for Citycons kjøpesentre. Dei har hatt «såvidt vekst», men  leiinga er opptatt av «noen trender som kommer til å være avgjørende for å lykkes fremover. – Vi ser at folk vil ha mer mat og drikke og flere serveringstilbud på sentrene. Samtidig opplever vi økende etterspørsel etter bibliotek, trening og helsetjenester» (vår utheving).

Men bibliotek i kjøpesenter har vi skrive om før, og då med ein viss skespsis.

Når det gjeld den nemnde kulturavisa, så har dei i dag ei sak om Biblioteksentralen sin nye e-bok-app Bookbites, der dei tar i bruk «kreative metadata», som blant anna betyr at dei spør brukarane om kjønn: «Velg kjønn – og la oss gi deg anbefalinger». Men som dei likevel ikkje bruker. Meir vil vi ikkje seie, for balansens skuld. Men avisa skal finnast i mange bibliotek.

november 26, 2019

Fest på Hammersborg med overraskande deltaking

Skjermbilde 2019-11-26 12.56.09

Kva blir vitamintilbodet i Bjørvika? NB: Bloggen har ikkje opna for annonsar

Deichman har all grunn til å feire seg sjølv fredag 29. november med «den siste litterære festen på Deichman Hovedbiblioteket». Ikkje minst også fordi dei har fått med seg Jan Erik Vold og Tove Nilsen, to forfattarar og Oslo-patriotar som våren og sommaren 1992 brukte ganske mange riksavisspaltemeter til saman for å stoppe planane om eit nytt hovudbibliotek!

Apropos nytt-hovudbibliotek-debatten i 1992: I Bok og bibliotek nr. 3 det året opna redaktør Jan Olav Gatland dei ganske statlegbyråkratiske spaltane (slik det var den gongen) for den til då mest fargerike dekninga av ein bibliotekkontrovers i dette tidsskriftet. Med dåverande …

read more »

oktober 3, 2019

Den stille lesesalen på 2020-talet?

British library Old reading roomJæ bara lurær, som vi seier i Østfold: Bloggaren har no ganske bra greip om å snakkeskrive, altså å bruke innlesing som blir til skrift, som så blir justert på eit tastatur. Men kva då med jobbing på eit bibliotek? Den stille lesesalen er jo tilpassa og utstyrt for studium og anna grundig jobbing, men bør vel framleis vere ganske stille. Kva med andre areal? Og kva den dagen «alle» jobbar på denne måten?

Fotoet er frå verdas mest ikoniske lesesal (?), The Old Reading Room, ved tidlegare British Library i London, no British Museum. Men salen har vore stengd, for ikkje å seie hermetisert, i fleire år. Bloggaren knipsa der i 2004. 

juni 3, 2019

Kva med biblioteket når Thon & co. blir byplanleggjarar?

Skjermbilde 2019-06-03 22.29.24

Røkke fekk ikkje endre kulturhusplanen i Molde med gåva si. Sjå også nrk.no.

I mars åtvara vi mot å leggje bibliotek til kjøpesenter. Kor lurt er dét, sa vi, når kjøpesentra slit fleire stader? Når butikklokale blir ståande tomme og heile kjeder må stengje fordi netthandelen overtar stadig meir. Og når mange bysentrum blir mindre tilgjengelege for privatbilen.

Men så kjem det ein tekst på heimesida til Attack, «Bondefanget i smartbyen», som seier noko litt anna:

read more »

mai 10, 2019

Endå meiropne bibliotek i Buskerud

bjørnson ringerike bibliotekHos Buskerud fylkesbibliotek på Facebook heiter det no: «Hele 19 bibliotek i Buskerud ligger nå som 3D-modeller på Google Street View og er tilgjengelige via Google Maps. Ta gjerne en titt på bibliotekrommene i vårt langstrakte fylke.»

Vi har aldri, dei siste par ti-åra, vore i tvil om at fylkesbiblioteket i landets nest mest langstrakte fylke (Nordland er klart lengst, også etter at Buskerud er blitt Viken, i påtvunge kompaniskap med Akershus og Østfold) også har vore eit av dei kulaste, i den grad eit fylkesbibliotek kan vere kult. Og no lover dei vidare: «Fylkesbiblioteket kommer til å jobbe videre med 3D-funksjonalitet fremover.» The sky is the limit, tenkjer dei vel, der dei også har biblioteket med størst høgde over havet, på Geilo? Eventuelle protestar frå Røros eller Hovden filial i Bykle tar vi imot i kommentarfeltet.

Sidan det er fredag vel vi ein litt uhøgtideleg illustrasjon; Bjørnstjerne Bjørnson i Google Street View på Ringerike bibliotek.

april 12, 2019

«… kunnskap og opplevelser de ikke visste at de lette etter»

Vi les anbodet på audiovisuelle løysingar til Nye Deichman i Teknisk Ukeblad, i ordelag vi ikkje akkurat er vane med:

«Konseptene vil omfatte lyd- og bildeløsninger, lysløsninger, samhandlingsløsninger, informasjonssystemer og multimedialøsninger. Mye av det som foregår på skjermene vil ifølge direktøren være interaktivt, og er ment å skape stemninger og en helhetlig opplevelse.»

mars 27, 2019

Bibliotek i kjøpesenter – kor lurt er det no?

Skjermbilde 2019-03-27 23.39.28

Frå historias beste kjøpesenterfilm. Klikk og kikk

Eigarane og dei tilsette på norske kjøpesenter er einige om to ting: At det går dårlegare for kjøpesentra – og at løysinga er «fleire opplevingar». Ut over ekstasen ved å shoppe, sjølvsagt. Nyleg skreiv E24 om Lagunen i Bergen, der ein ny kino skal gjere susen. Og i dag i fagforbundet Handel og Kontor sitt organ HK-nytt nr. 3/19 (berre på papir) kan vi lese at på senteret Fornebu S i Bærum har dei, i påvente av eit eventuelt kommunalt bibliotek, «fått et område i underetasjen til å lage et byttebibliotek.»

Etter det vi kan sjå er ein Bærumfilial på Fornebu lite aktuelt før etter 2035, i beste fall. No skal dei endeleg ruste opp Rykkin, etter fleire år med nedleggingstrugsmål. Og til dømes Ski bibliotek flytter om fire år ut av dei berre 17 år gamle lokala i Ski storsenter. Dei noverande er dårleg eigna for arrangement og som møteplass.

Og imens held suksessen til netthandelen fram og framtida til i alle fall privatbilbaserte sentra har vore ein god del lysare enn i dag. I USA er kjøpesenterdøden (Dead Malls) omfattande. Kor bra er det å vere bibliotek i eit kjøpesenter der butikkar – og folk – blir færre?

Ein del norske folkebibliotek er solid integrerte i kjøpesentra. Til dømes …

read more »

januar 23, 2019

Gladnytt frå Liverpool

Som her i landet, er bibliotek-skilnadene i Storbritannia store, typisk mellom (nokre) byar som i desse tider har det med å oppføre påkosta «signalbygg» og på den andre sida småkommunar med spreidd busetting, som slit med deltidsstillingar og små og lite eigna lokale. Noko vi også meiner blei tydeleg i Bibliotekaren nr 4 i fjor. Gode bibliotek blir meir og meir eit by-fenomen.

Tweeten nedanfor frå Liverpool viser eit slikt typisk avvik frå det som vi her på bloggen har skrive om bibliotekkrisa i landet. Liverpool har eit fantastisk renovert hovudbibliotek som vi vitja for to år sidan. Og tok ein del foto.

 

 

 

 

 

september 29, 2018

Tromsø manipulert

Skjermbilde 2018-09-29 14.08.49.pngIfølge avisa Nordlys i Tromsø fins det om kort tid ei plate i sjangeren «diverse electronica» med et cover som «prydes av en kreativt manipulert utgave av biblioteket i Tromsø». Vi gratulerer.

PS: EU har vedtatt et nytt opphavsrettsdirektiv. Vi valgte å ikke legge ut bildet vi fant av platecoveret, da det fort kan bli ulovlig. Men hva med lenka til Platekompaniet? Fotoet fra Tromsø bibliotek har vi tatt sjøl. Det blir vel lovlig? Eller nei?: Vi lot et fransk magasin bruke det. Vi lar det likevel stå til!

februar 20, 2018

Vi pynter oss med bibliotek

Dagens tweet er et tankekors fra øyriket i vest. Hvorfor er politikere så uinteresserte i bibliotek når budsjettet skal fastlegges, men så opptatt av å bli avbilda i bibliotek? Når de for eksempel besøker en skole.

Dette var også Knut Hegna innom i en av sine i alt 50 tekster med tittelen «Mandag Morgen fra Informatikk», der han fra Informatikkbiblioteket ved UiO sendte uhøytidelige hilsener til kollegene over i Realfagsbiblioteket. Han samla dem i ei pdf-fil, der nummer 15 heter «Bibliotek og bøker som kulisse.»

Konklusjonen hans kan oppfattes som både en seier og et tap: «Det digitale bibliotek egner seg i hvert fall ikke som kulisse.» (Et bildesøk på «digital library» bekrefter dette. Så er det heller ikke mange politikere å se)