«Bibliotekarer til kamp mot bøker»

Vi trudde kanskje debatten var over i førre veke, men på Atekst ser vi eit nytt oppsving med åtte treff på «Potter AND bibliotek*» dei siste to dagane. På den positive sida kan vi slå fast at etter dei i alt 34 artiklane sidan starten må titusenvis avislesarar ha fått med seg at ingen bibliotek har tenkt å kassere eller setje bøker av Rowling på bakrommet. Og i tillegg kjem det fram i fleire av artiklane at det lokale biblioteket/biblioteksjefen sjølv avgjer kva dei skal kjøpe inn. Og kva dei vil arrangere.

Men likevel kjem vi over sånt som i Sørlandets store regionavis, Fædrelandsvennen, der kulturredaktøren (eller var det desken?) i gårsdagens store kommentarsak sette ein tittel som «Bibliotekarer til kamp mot bøker» (ikkje på ope nett).

Redaktøren skriv mykje klokt om ytringsfridom, naudsynt debatt, krenking osv., men også slikt som at (her må vi rasjonere for ikkje å overskride sitatretten):

«Det som er mer uventet i denne diskusjonen er at kritikken og truslene om å bringe J.K. Rowling til taushet kommer fra en yrkesgruppe hvis fremste samfunnsoppdrag er å bringe litteratur ut til folk, og verne om ytringsfrihet. Sikre utvalg og takhøyde av det skrevne ord. Av innsikt, utsikt, kunnskap og perspektiver. Alt det et bibliotek bør inneholde av poesi, litteratur, debatt, vitenskap, filosofi, religion og fakta. … Der er nå bremsene satt på og flere bibliotekarer tar nå til orde for – ikke akkurat å brenne Harry Potter-bøkene, men heller ikke gjøre noe ut av dem. Ikke løfte dem frem, ikke feire dem eller profilere dem». …

Som om ikkje Norsk Bibliotekforening og Bibliotekarforbundet med fleire har forsikra at dette ikkje er representativt for yrkesgruppa.

Og kulturredaktøren avsluttar: «Lokale bibliotekarer kan ikke redigere ytringsfriheten ut fra egen smak, behag eller politisk ståsted. Samfunnsoppdraget deres er større enn dem selv».

Men biblioteksjefane er faktisk i ein liknande situasjon som ein avisredaktør, eller kulturredaktør. Kulturminister Widvey sa i 2014, etter lovendringa: «Bibliotekledelsen … vil innta en redaktørliknende rolle» (Bibliotekforum nr. 3, 2014, side 10).

Her på bloggen har vi skrive mykje om «Det uavhengige biblioteket». Sjå også: «Det nøytrale biblioteket? Ja – og nei!».

PS 1: Gjengangaren i Fevennen og andre aviser om at «flere bibliotekarer» har fått problem med Potter, kjem frå Aftenposten sitt utløysande utspel 15. januar: «Forfatterens uttalelser om transpersoner skaper bråk. Bibliotekarer sier nei til å promotere Harry Potter». Mens dei berre namngav og intervjua to. Neste gong bør avisa dokumentere slike påstandar litt betre.

PS 2: Er bloggaren er krenka på vegner av Bibliotekar-Noreg?! Nei, først og fremst glad for at desse prinsippa no kan bli betre kjende.

Leave a Reply

Translate »
%d bloggers like this: