Archive for ‘Det er fredag’

mars 25, 2021

– Kven har den beste bibliodassen? (det er fredag)

I Frankrike innfører no bibliotekforeininga ABF eit nytt kriterium på kva som er eit godt bibliotek: At WC-en er open for alle og at han er vakker og nyskapande!

Denne veka slutta dei franske biblioteka seg til ei nasjonal rørsle for å løyse den alvorlege hygieniske krisa som er oppstått under koronaen fordi mange offentlege toalett blei lukka under dei ulike nedstengingane, og aldri blei opna igjen. Og fordi serveringsstader, med slike innretningar, er stengde i lange periodar. Slik vi forstår det, er biblioteka sjeldnare stengde enn andre institusjonar, så no bør ein kunne gå på biblioteket utan å låne noko anna enn wc-en.

Samtidig lyser bibliotekforeininga ut ein konkurranse om den penaste «ugle-dassen» («Chouettes Toilettes» må vel bety noko sånt; vi har forstått at ugla er verkeleg sterkt knytt til bibliotek der i landet). I den ganske muntre utlysinga kan vi blant anna lese at WC-en er eit «sentralt element i ein kvalitetsvelkomst, ein stad som iblant er forsømt eller ei kjelde til spenning …». Og no bør biblioteka nytte høvet til å «implementere prinsippa om tilgjengelegheit og inkludering i desse små hjørna i verksemdene våre» (vår omsetting). Både det estetiske og mangfaldet av tenester på bibliodassane vil bli vurderte av ein komité med både generelle og spesielle kvalifikasjonar.

PS: Apropos Frankrike, toalett – og bibliotekarar: Illustrasjonen viser verdas mest berømte pissoar, «utført» av den franske surrealistiske kunstnar-pionéren Marchel Duchamp og utstilt i NYC første gongen i 1917. Duchamp jobba blant anna også i bibliotek.

februar 25, 2021

Kva har eit kyllingbein og eit sagblad felles? (det er fredag)

Og det tid for quiz: Mange lesarar av denne bloggen vil kunne leggje til både det eine og det andre som har vist seg å gjere same nytta som desse to … artefaktane, må ein vel kunne seie. For dette handlar om det nærmaste ein vanleg bibliotektilsett kjem arkeologisk utgraving (utanom bøkene på 930.1. Og så har du dei som jaktar på førsteutgåver av Ibsen i nedlagde filialar).

Les denne saka i The Guardian, så har du svaret. Og legg gjerne til i kommentarfeltet kva du måtte ha av slike oppdagingar. Vi veit nokre samlar på sånt.

Det går ikkje å leggje inn foto i kommentarfeltet, men send gjerne foto til denne adressa, så kan vi få til ei nettutstilling etter kvart: frilanders @ gmail.com.

Go hælj!

februar 5, 2021

Koronarådgjeving (det er fredag)

Tar sjansen på å dele denne bokryggpoesien frå eit universitetsbibliotek i South Carolina då eit søk på Google Foto berre gir éitt treff på ei norskspåkleg side, ei FB-gruppe med 2946 følgjarar, men berre «including 1 of your friends» (som de skjøner, får eg ofte høyre at såg du ikkje at eg delte han for to månader sidan, sløving). Klikk og les.

februar 5, 2021

Det nye fleire-omgrepet

Dette er ikkje for å hetse dei biblioteka som ikkje vil arrangere Harry Potter-festival. Men tysdag måtte vi lese og høyre det igjen, på kanalen og nyheitsprogrammet som (vel?) er aller mest populært her i landet. Klikk og kikk. Om du orkar.

Konkurranse: Finn på eit dugande bibliotek-mem som ikkje innbyr til populistisk klikk-horeri! (kanskje ikkje muleg når vi skriv 2021)

januar 22, 2021

Det er fredag – igjen

Som aktiv tvittrar har Trump sikkert etterlate seg mange fleire «dokument» enn nokon annan US-amerikansk president, men ifølgje The Guardian har han hatt eit anna tilhøve til vanlegare arkivalia. Éin ting er at han hadde som vane å rive i filler dokument han ikkje likte, men der meir samvitsfulle i staben var raske med å tape dei saman igjen. Men i tillegg valde han å ikkje sende fleire viktige elektroniske dokument til arkivet. Dette kan no skape problem i riksrettsaka mot han, men i tillegg kan det eigne biblioteket som tradisjonelt blir oppretta etter avgåtte presidentar, ende opp med store hol i samlingane.

Vi lenka i desember (også då på ein fredag) til ei sak om eit ambisiøst arkitektutkast til dette framtidige biblioteket, men illustrasjonen vår i dag viser eit bibliotek av det litt enklare slaget.

desember 18, 2020

Stabilt leseleie (det er fredag)

.

.

.

.

.

.

desember 4, 2020

Frå folkedjupet (det er fredag II)

Det kan fort oppstå rykte om kva tilsette gjer etter stengetid. Klikk og kikk (reprise)

I 2009 på Flashback skreiv ein svensk bibliotekar: «Jag får ofta intrycket av att folk i allmänhet inte har en aning om vad vi som jobbar på bibliotek faktiskt jobbar med. Därför får ni nu möjligheten att få reda på det. … Jag svarar på allt, men förbehåller mig rätten att vara sarkastisk».

På dei elleve åra har det gått i bølgjer, men det har blitt i alt 200 spørsmål, nokre dønn saklege, andre ikkje, men likevel lesbare, i alle fall ein fredag i november.

Takk til peterals.

desember 4, 2020

Ute etter jobb? (det er fredag)

I USA er det tradisjon å byggje og innreie bibliotek tileigna avgåtte presidentar. Ein anonym arkitekt har alt eit prospekt klart for Trump sitt bibliotek, utført på svært profesjonelt vis. Og på ei nettadresse hen skal ha sikra seg alt i 2016: https://djtrumplibrary.com. Nettstaden Fastcompany skriv om dette og listar opp noko av innhaldet:

  • The lobby is emblazoned with Trump tweets,
  • a map of the countries included in his early Muslim ban, and
  • a front desk where entrance fees double to $50 for “immigrants.”
  • Exhibits include a selection of “alternative facts” delivered by multiple White House press secretaries,
  • the “Wall of Criminality,” and a
  • prison with a work-release program for members of Trump’s inner circle convicted of crimes.
  • Outside, next to the rooftop Autocrats Gallery and the Felon’s Lounge cocktail bar, is a gravesite for Trump allies who succumbed to COVID-19.
november 20, 2020

Meir marmor og messing i biblioteka! (det er fredag)

Marmor-relieff frå Kongressbiblioteket i Washington DC. Foto: Jim Kuhn / Wikimeda (CC BY 2.0)

REALM-prosjektet, som vi løpande har publisert resultat frå her på bloggen, har no sloppe den sjette målinga av kor lenge koronavirus held seg i live i bibliotekmiljø. No har dei testa overflater på bibliotekinteriør: På glass, laminat og pulverlakkerte flater (som reolar osv.) var viruset vekk etter seks dagar. Men på marmor og messing etter to!

Men igjen minnar vi om at viruset smittar mykje meir i nærkontakt mellom menneske, typisk ved kjøssing i biblioteket. Go hælj!

november 13, 2020

Bibliotekstereotypisk (det er fredag)

Det er ikkje ofte vi er innom bil-journalistikken i denne bloggen, for bokbussar er det vel snart slutt på. Men dette klarte vi ikkje å stå imot. At det handlar om el-bilar kan vel reknast som eit formildande omstende, samtidig som bibliotekmetaforistikken her går på «tungt engelsk bibliotek». Noko vi i dag berre kan ane hos Gunnerus i Det nordenfjeldske og på femte høgda i Nye Deichman.

oktober 30, 2020

Betre enn torghandlarane! (det er fredag)

Namnet på torghandlaren er sendt spalta «På teppet» i Klassekampen, avd. «Godt navn». Kjelde: Digitalt museum.

Lat oss halde dette internt med tanke på framtidig rekruttering (derfor bruker vi ikkje l-ordet her): Ifølgje Fri fagbevegelse ligg no bibliotekarane framleis etter skulptørane, men har passert torghandlarane.

Elles ligg vi 4610 slike einingar vi snakkar om etter gjennomsnittet og får 43,6 prosent av det toppleiarane i offentlig administrasjon får i månads-l.

oktober 23, 2020

Børs-sjokk (det er fredag)

Bissnissnettstaden E24 skriv om ein som blei finansmann ved ein slump: «I en ferie gikk han til Oslo Børs for å se hva som foregikk der. Slik fikk han tilgang til børsens bibliotek – et sted han fortsatte å oppsøke de neste dagene. – Det var så sjeldent noen var der at børskommisæren fikk beskjed om det». Og baud han jobb på huset.

oktober 16, 2020

Utan bibliotek – også (det er fredag)

2. oktober presenterte Khrono.no ein parlamentarikar frå Egypt som hadde kjøpt seg ikkje mindre enn ein æresdoktorgrad frå «Bay Ridge University for Research and Studies i Oslo i Norge». Dette er eit falsk universitet med adresse på Bryn i Oslo. I tillegg har Khrono «lokalisert» ein tilsvarande «institusjon» i Lier i Buske … Viken.

For å få gradar og diplom i slike system kan det faktisk bli levert forskingsmateriale, resirkulert frå eksisterande universitet i til dømes Irak, men lite tyder på at det er bibliotek for å halde orden på dette, verken på «campus» i Lier eller på Bryn.

oktober 9, 2020

Å kassere eller ikkje kassere

Vi framsnakka ein bibliotekblogg i går, og då tar vi ein til med det same, ein som passar bra på ein fredag, nemleg bloggen «Trangt i hylla», med undertittelen «Kassering med glimt i øyet». Utgjevarar er Vikengeriljaen*, med ei viss Jannicke Røgler som sjefsbloggar.

Innlegget vi stoppa spesielt opp ved handlar om boka «Analyse og vurdering av norske biblioteksystemer. Strategisk IT-analyse for folkebibliotek 1995-2005». Men denne skulle dei då ikkje kassert, tenkte vi, for dette er jo bibliotekhistorisk viktig! Men så fann vi henne i Nettbiblioteket. Då får det vel gå.

* Vi hadde verkeleg ikkje trudd at rebellar som den tidlegare Buskerudgeriljaen så lett hadde kapitulert for Sanner sitt Sanselause Samanslåingsstrev! Dei kan umuleg ha fått med seg østfoldingar på dette 😉

oktober 2, 2020

Kfond-diktet (det er fredag)

Mykje bra kjem frå Skien, til dømes Henrik Ibs … eller var dét Grimstad?, men i alle fall dags- og bibliotekaktuell lyrikk, denne gongen av Stian Johansen på BOK365.