Forfatter: Anders Ericson

Nyklassisisme frå Jotunheimen

~ Anders Ericson ~ 1 kommentar
Skjermbilde 2019-02-14 13.51.24.png
Biblioteket i Lom

Bibliotekarane i Lom er, trass i ung alder, alt klassikarar sjølve både som pionérar innan litteraturblogging på 2000-talet og som Årets bibliotek i 2012. Og no er det dette store lille biblioteket som har innbode andre bibliotek til kampanjen som dei på lista biblioteknorge i går kalla Nye, norske klassikarar (nettstaden er ikkje klar enno).

Spennande! Dei har fått litteraturkritikarane Bernhard Ellefssen, Janneken Øverland, Bjørn Ivar Fyksen og Merete Røsvik til å kåre ei liste med tjuefem «nye klassikarar», presisert til «moderne, norsk kvalitetslitteratur».

Men titlar og forfattarar får vi enno ikkje vite. Blir det dei som alt har fått alle prisane og som vi alt kjenner relativt godt? Eller kjem det også overraskingar? Vi blir skuffa om ikkje.

God litteraturformidling kan sjølvsagt gjerast med hundre ulike utgangspunkt og måtar. Og alle dei hundre har biblioteka råd til å ta i bruk. Til skilnad frå … Les mer «Nyklassisisme frå Jotunheimen» →

Oppløftande frå fjellheimen

~ Anders Ericson ~ Legg igjen en kommentar

Mens vi driv og terpar på at kunnskapsbiblioteket er daudt, dukkar det opp ei prosjektoppsummering frå Hemsedal, der ingen skulle tru at andre enn slalåminstruktørar og bartenderar kunne bu. Men der driv folkebiblioteket målretta sørvis til studentar. Av typen ganske fjern-, forstår vi.

Eit utval erfaringar:

  • I løpet av prosjektet har me fått styrka kompetansen vår, slik at me er betre rusta til dette arbeidet.
  • Dei fleste av studentane i Hemsedal er i jobb (ofte 100%) og svært mange av dei har i tillegg barn. Med den studentmassen me har er det difor ikkje arrangement og kurs som er det viktigaste å satse på vidare.
  • … fleire studentar som ikkje kjende kvarandre har møtst og dette har ein stor verdi.
  • Sidan midlane frå Nasjonalbiblioteket ikkje har kunna brukast til lønn, har dette ført til at arbeidet med prosjektet både har gått utover andre viktige oppgåver, samt at vi i periodar jobba alt for mykje.

Har vi høyrt det før? Vi kjenner ikkje kjønnssamansettinga til dei tilsette ved biblioteket i Hemsedal, men får assosiasjonar til … Les mer «Oppløftande frå fjellheimen» →

E-lydbøker i bibliotek: Varsku frå «storby-sjefane»

~ Anders Ericson ~ 2 kommentarer
Skjermbilde 2019-02-08 14.02.22
Lydbøker på bibliotek i 2011. Framleis OK på vegen, men berre i veteranbilar

>> Lenkene til mediedebatten om e-lydbøker som låg på botnen her er 18.2. flytta ei eiga side. 

Under overskrifta «Begynnelsen på slutten for folkebibliotekene?» skriv no biblioteksjefane i dei største norske byane eit lesarinnlegg om særleg utfordringa med e-lydbøker. Vi fann det først i nettavisa iTromsø. Her les vi blant anna:

«Norske folkebibliotek har på vegne av sine brukere ventet på en avklaring av e-lydbøker i lang tid og vi trodde nå man var nær en løsning ettersom kulturministeren forsikret oss om at dette skulle bli en realitet for et års tid siden. … Men nå har forleggerforeningen stoppet forhandlingene om e-lydbøker fordi Kopinor har bedt Kulturministeren reversere forskrift om pliktavlevering. Kopinor vil heller forholde seg til EUs opphavsrettsdirektiv og Bernkonvensjonen enn norsk lov. Dette kan ende med at Nasjonalbibliotekets suksessfulle tjeneste «Bokhylla.no» rykker tilbake til start, ja faktisk at hele det norske litterære system blir endret for å tilpasse seg EU- direktiver.»

Det er ikkje med eit triumferande «kva sa vi!» at vi no minnar om dei mange åtvaringane våre om kor skjør bokhylla-avtalen er. Og det var heller ikkje tilfeldig at vi i fjor skreiv innlegg opp og innlegg ned om trugsmåla frå det nye EU-direktivet om opphavsrett.

Serr?

~ Anders Ericson ~ Legg igjen en kommentar

Når det er verdskonferansar for bibliotekfolk kan sjølvsagt ikkje alt vere like fagleg tungt. Så til samrøyra i Athen i august i år innbyr dei til to timar med Library love stories. Av viktige spørsmål til drøfting er «Can we fall in love on both sides of a reference desk?» Men når såg vi eigentleg ein reinspikka referanseskranke sist?

Her på bloggen er vi jo mest opptatte av det som er trist og leit, så dette stemplar vi sjølvsagt som populisme og bibliotekpolitisk avsporing av verste skuffe. Men nokon kunne kanskje pushe på kollega Stig Holmås for litt relevant diktlesing?

Rettspraksis.no ankar til Høgsterett!

~ Anders Ericson ~ Legg igjen en kommentar

Vi har følgt denne saka sidan juni, og når dei ikkje gjer seg, så gjer ikkje vi oss heller. Det handlar om retten til å leggje ut norske rettsavgjerder til fri bruk, som med andre offentlege dokument. Motparten er Lovdata, som tener store pengar på dette. Rettspraksis.no har alt vunne godt fram, i siste omgang blei 166 år med høgsterettsavgjerder frigjorte (1836-2002), mens kampen no står om avgjerdene frå 2003-2007. Fram mot Høgsterettsanken blir rettspraktikantane framleis støtta av både Norsk Journalistlag og Norsk Redaktørforening. Bibliotekorganisasjonane burde også ha støtta.

Kunst på resept (OBS: sterke innslag av mimring)

~ Anders Ericson ~ Legg igjen en kommentar

Dette med kunstens og kulturens positive innverknad på den psykiske helsa har ført til fleire overskrifter den siste tida. Sjå ikkje minst Helge Torvund i Klassekampen 18. januar (bak muren).

Men denne bloggaren har vore med på mykje, blant anna også studert suksessrikt bibliotekutlån av biletkunst til blinde! Det var då … Les mer «Kunst på resept (OBS: sterke innslag av mimring)» →

To steg nærmare Plan S

~ Anders Ericson ~ 1 kommentar
Skjermbilde 2019-02-05 18.18.07
Sci-Fi-kalkunen frå 1958 heitte opprinneleg Plan 9 …

I Stortinget i dag køyrde Venstre-representant Guri Melby interpellasjon om Plan S mot Iselin Nybø, statsråd for forsking og høgare utdanning, også ho frå Venstre. Det blei det jo ingen stor krangel av. Erling Bergan i Bibliotekaren var tidlegare ute enn alle, langt føre til og med Khrono, forskingsorgana og andre, med eit fyldig referat om det viktige som skjedde.

Nytt 9.1.: Det offisielle referatet fra Stortingsmøtet er lagt ut (ennå ikke korrekturlest)

For det første at det ikkje er stor usemje på Stortinget om å gå vidare med Plan S og for det andre statsrådens «lekkasje» frå forhandlingane som pågår i desse dagar mellom UNIT og dei internasjonale, profittsugne tidsskrift-gigantane. Nybø fortalde at UNIT «om kort tid [forventer] å signere avtale med ett av de store forlagene.» Dette blir eit verkeleg gjennombrot for ope tilgang på forskingsartiklar.

Siste talar var Elisabeth Fanghol frå AP. Det høyrdest først ut som at Forskerforbundets lobbyistar hadde fått AP med på omkamp og full konsekvensutgreiing, men saka kom i mål slik blant anna departementet, UNIT, Forskingsrådet og tusenvis av bibliotekarar ønskjer i inn- og utland.

Folkebiblioteket sine domenetap

~ Anders Ericson ~ 5 kommentarer
Skjermbilde 2019-02-05 16.02.08
Musikkstrøyming på snø, ved Slottsparken i Oslo

Her om dagen fekk vi vår første oppleving av det ambisiøse prosjektet «Digitization and Diversity» gjennom rapporten om iPad eller papirbøker. I dag strøymer det på (sic!) frå same kjelde ein rapport om Digitaliseringens innvirkning på norsk musikkbransje.

Ordet «bibliotek» førekjem ikkje på dei 162 sidene. Kanskje ikkje overraskande, for det er no åtte år sidan innkjøpsordninga for norsk musikk på CD brått tok kvelden, og etter dét avslutta dei fleste (?) biblioteka heile musikktilbodet (mykje eige innkjøp var det aldri, berre i nokre større bibliotek). Men det heng sjølvsagt saman med Spotify, YouTube og liknande trådlause tilbud.

Men dette er berre eitt av bibliotekas domenetap på eit par ti-år: Les mer «Folkebiblioteket sine domenetap» →

Papirboka aleine på toppen av pallen!

~ Anders Ericson ~ 5 kommentarer
pallet-686317_640
På dei fleste pallane i verda er det ingen topp

Desse pallane har blitt noko av det viktigaste for oss norskingar, særleg vinterstid, så kvifor ikkje også rangere dei tre viktigaste blant dei mange bok-formata? Det gjer Anne-Britt Gran i kronikken i Klassekampen laurdag (sjå på nett hos BI), «Ipad-eksperimentet – Hvor kommer den fikse ideen fra, at digital teknologi skal trumfe all annen teknologi i klasserommet?» Gran er professor ved Handelshøyskolen BI og prosjektleiar av DnD – «Digitization and Diversity», der blant anna også Nasjonalbiblioteket deltar.

PS: Men kvifor finn vi ikkje meir enn ei fattig lenke til dette prosjektet på NB sine sider, eit prosjekt som alt har produsert relevante publikasjonar for bibliotekfeltet, blant anna rapporten «Digitalisering av bok og bibliotek»? Kan nokon som er på talefot med NB-toppane tipse dei om verdien av å formidle til det bibliotekfaglege miljøet? Apropos: Har nokon sett eller høyrt reaksjonar frå NB på til dømes saka vår om bibliotekstatistikken og bokhylla.no? Derimot har fleire andre gjeve konstruktive kommentarar.

Kronikken til Anne-Britt Gran, som inneheld mykje viktig, ligg ikkje på ope nett hos KK, så vi får vel avgrense oss til å sitere berre noko av det (avisa finst jo i biblioteket, ikkje sant?): Les mer «Papirboka aleine på toppen av pallen!» →

Bibliotek-nytale i rivande utvikling

~ Anders Ericson ~ 2 kommentarer
Skjermbilde 2019-02-02 19.24.38
Klikk og sjå scena om nytale i filmen 1984

Bibliotekaren Alan Wylie frå London held på bloggen sin ved like ei ordliste over «doublespeak & spin used by councils to hide library cuts.» Nokre døme:

Libraries Extra – what Brighton Council call a staffless ‘library’ that offers less!!!

Library Ambassador – someone in Northamptonshire who’s daft/naive enough to pay twice for their library service.

Partnership Libraries – what Barnet Council calls a volunteer/community org-led ‘library’ that’s open for 15hrs a week, users/campaigners call it a staffless book exchange that’s hardly ever open.

Bloggen til Wylie har ikkje hatt nye innlegg sidan mai 2018. Han har i staden auka aktiviteten sin på twitter, og her kan du fleire gonger dagleg få inntrykk frå ein av dei største bibliotekraseringane sidan bibliotekbrannen i Alexandria.

Noko for Tarjei V.

~ Anders Ericson ~ Legg igjen en kommentar

Skjermbilde 2019-02-01 19.24.07Ei nettavis frå Pittburg skriv om eit russisk bibliotek av is ved breidda av Bajkalsjøen.

Om ikkje våren kjem brått, noko vi ikkje heilt trur på no, så får vi oss billett på den transsibirske for å risse inn heile Tarjei Vesaas sin roman Isslottet på bibliotekveggane. Det er slikt ein gjer i eit isbibliotek, før det utpå våren renn ut i sjøen og endar opp i Nordishavet. Kven blir med?

PS 1: Så ser vi at jaggu ligg ikkje … Les mer «Noko for Tarjei V.» →

Framleis greit med privat bibliotekdrift?

~ Anders Ericson ~ 1 kommentar

skjermbilde2019-02-0112.51.00Denne gongen gjeld det Sverige, men les vidare likevel, for ein dag gjeld det oss:

Lena Lundgren frå Föreningen BiS har levert eit forslag til Svensk biblioteksförenings (SB) årsmøte med oppfordring om å utgreie «bibliotek med alternativa driftsformer». BiS har dei siste par åra kritisert SB for å vere likegyldige til privat drift eller bibliotek «på entreprenad», med eit anna ord: konkurranseutsetting. BiS kartlagde omfanget av dette i 2007 og 2001 og fann rundt tjue døme av privat drift, dei fleste der veneforeiningar har tatt over ein nedlagd filial, og eitt døme, den såkalla Dieselverkstaden i Nacka, der dei tilsette fekk tilbod om, og godtok, å drive biblioteket for kommunen, som eit føretak. Og no er det kjend at konsernet Axiell skal overta drifta av dei andre biblioteka i Nacka.

Lundgren krev at SB skal «belysa de olika aspekter som rör förhållandet till bibliotekslagen och övriga lagar som berör biblioteken, hur samarbetet mellan biblioteken, inom och mellan kommunerna, kan påverkas, samt möjliga konsekvenser om fler kommuner väljer att lägga ut biblioteksservicen på entreprenad.»