«Bonden som dro til kirkegården, forelsket seg i bibliotekaren. (Men de andre bøndene gjorde det ikke.)» Korrekturavdelingen.no. 🙂
Bok-rens og -karantene IKKJE naudsynt
Bibliotekarforbundet skriv på heimesida si at dei har vore i kontakt med Folkehelseinstituttet (FHI) og fått ein del generell informasjon om smittefare og kor lenge viruset overlever på ulike overflater.
Sjå også «Sju forslag for den nære framtida».
Av konkret interesse for bibliotekdrift er det at «Den indirekte smitten av SARS-CoV-2 fra bøker vurderes som svært begrenset». Dette er vel også andre nasjonars bibliotekorganisasjonar kjende med, men der står likevel karantene for bøker sentralt i det vi har funne til no. Utan at karantenetid er fastslått.
>> Nytt 22.4.: Etter kontakt med FHI vurderer Nasjonalbiblioteket «det slik at risiko for indirekte smitte fra bøker er lav. Det å iverksette spesielle tiltak som å sette bøkene i karantene eller rengjøre bøkene på grunn av covid-19 er ikke nødvendig» (vår utheving)
Ein annan ting er om folk, særleg dei i risikogruppene, vil stole på dette.
BF presiserer at … Les mer «Bok-rens og -karantene IKKJE naudsynt»
Danske bibliotekorganisasjonar krev gjenopning
I Danmark har i dag kulturministeren fått ei tilråding om å opne biblioteka igjen. Bak brevet og eit dokument med to ulike scenario om gjenopning med eller utan «borgeradgang til det fysiske rum», står Forbundet Kultur og Information, Bibliotekschefforeningen og Danmarks Biblioteksforening.
Det første scenarioet går i realiteten på tinging av bokposar, sett i system. Det andre betyr opning av lokala for alle, men med fleire grenser, til dømes for kor mange som kan vere i lokalet til kvar tid. Noko som vil krevje vaktmannskap. Meiropne, sjølvbetente bibliotek meiner dei må vente. Karantene for bøker må gjelde for begge scenarioa, men kor lenge seier dei ikkje.
For ei veke sidan skreiv vi om korleis bibliotek i USA og Sverige ordna seg før biblioteka blei stengde (I Sverige er fleire framleis opne).
Digital sjølvberging
I ein ny artikkelserie i Klassekampen er dette temaet. Og begge dei første artiklane ligg på ope nett; intervju med Helene Bank laurdag og Øystein Eriksen Søreide i dag.
Bank siterer blant anna Evgeny Morozov, som nyleg i eit intervju med Klassekampen sa «at han ønsker seg en digital «new deal». Han mener at teknologien i dag tjener et nyliberalistisk prosjekt, og at digital infrastruktur bør gjøres statlig. Men hvordan oppnår vi digital suverenitet? Punkt én er å sørge for offentlig lagring av offentlige data, mener Helene Bank. I tillegg bør vi bygge opp statlige digitale tjenester».
Minnar om at medbloggar Mikael Böök har foreslått ein eigen internasjonal library cloud utfrå at vi ikkje kan stole på dei kommersielle verken når det gjeld personvern eller uavhengighet av styresmakter. Eller når det gjeld økonomisk soliditet.
Risikogruppene – ein risiko for biblioteket
Risikogruppene under koronaen er som kjent alle oss over 65 (0,9 millionar) kronisk lungesjuke (0,4), diabetikarar (0,2) og tusenvis av andre (nokre er i to eller fleire grupper). I alle fall ein million, eller kvar femte innbyggjar. Det er helsa deira det strenge smittvernet har vore til for. Men når landet no skal lempe på vernet, må desse gruppene ironisk nok vere endå meir forsiktige enn før. Det var greit då «alle» sat heime, men no vil offentlege stader bli fullare av folk, også av smitteberarar. Avstand på to meter vil i mange samanhengar bli vanskelegare og nokre gongar umuleg.
Sjå også «Sju forslag for den nære framtida».
Samtidig er mange av desse blant dei mest aktive bibliotekbrukarane. Ifølgje brukarundersøkinga for 2015 var lånarane 65+ på topp med lån av skjønnlitteratur og bruk av lokalhistorisk stoff og aviser og tidsskrift, og dei var oftast på opne møte. Og kvar femte av dei brukte internett på biblioteket, men trong oftast hjelp til dette av dei tilsette.
Men vil desse våge å kome tilbake til biblioteket når det opnar? Les mer «Risikogruppene – ein risiko for biblioteket»
Filmoteket er her! Nokre stader
I slutten av mars siterte vi Rushprint på at biblioteket ville bli «den nye kinoen» når bibliotektenesta Filmoteket kom på plass i april. No er det april, og blant anna på biblioteket Sølvberget i Stavanger er dei i gang. Det er no rundt to hundre filmar i basen, men «Innen utgangen av 2020 er det minimum 1000 filmer tilgjengelig», skriv dei på heimesida til Filmoteket.
Først då bør vi nok avseie dommen om utvalet av filmar. Men per i dag er det så ymse. Sjølvsagt må det vere ein del klassikarar i eit bibliotektilbod, og sånt som er blitt heitande «drama». Både for vaksne og barn. Men ein del USA-produsert «moderne B-film» finn vi også her, slike ein aldri ser på norsk kino, slike som for tjue-tretti år sidan berre kom i videosjappene og som i dag berre kjem på strøymetenestene (dei kommersielle). Men her trengst det betre analysar når det har gått ei tid. Samanlikningar med Netflix, Apple osv. hadde vore interessant, ikkje av volum, men sjanger og kvalitet.
PS 17.4. kl 14.56: Vi fekk ein kommentar privat om at vi ovanfor var for negative til utvalet. Etter å klikka på lenker i Filmoteket til basen IMDb står vi att med ein god del for oss ukjende filmar med 7 «stjerner», som er bra, men også fleire med 6, 5 og heilt ned i 4.
Men til ein viss grad er dette endå ei … Les mer «Filmoteket er her! Nokre stader»
Bibliotek i bruk
«Jeg likte å sitte på biblioteket og snuse inn den fremmede lukten av tyrkiske aviser i kroken».
Å ha kjent Dordei Raaen, er eit privilegium. Les endå meir om henne i boka «Det norske biblioteket» av Jo Straube og Frode Grytten.
– Åpen tilgang til offentlig finansiert forskning bør være regelen og ikke unntaket
På Khrono.no i dag har administrerande direktør John-Arne Røttingen i Norsk forskningsråd eit svært viktig utspel. Han held fram: «Slik fremmer vi kunnskapsutviklingen og vil være bedre rustet når krisene rammer. Derfor stiller den internasjonale koalisjonen av forskningsfinansiører der Forskningsrådet er med – cOAlition S – felles krav om full og umiddelbar åpen tilgang til alle forskningsresultater finansiert av medlemmene fra 2021».
Og så kan vi sitere noko positivt om keisardømet i vest: Les mer «– Åpen tilgang til offentlig finansiert forskning bør være regelen og ikke unntaket»
Kvar bibliotekar ein sosialarbeidar
Slik er det i alle fall i Auckland på New Zealand for tida. Når bibliotektilsette ikkje kan gjere nytte for seg i stengde bibliotek, blir dei heller med på ringing til eldre i byen som mange er utan internett og dermed ekstra isolerte, for: «Social interaction and helping people are key reasons they love their jobs …».
Biblioteksektoren må no utgreie digital beredskap på eiga hand
Kommunal- og moderniserings- departementet kom 3. april med ei pressemelding om at «Det er høy aktivitet og god fremdrift i arbeidet med å lage sammenhengende digitale tjenester i offentlig sektor. Det viser handlingsplanen for digitaliserings- strategien som nå er klar».
Handlingsplanen byggjer på strategien «Én digital offentlig sektor» frå juni 2019. Her gir søk i teksten seks treff på «bibliotek». Men alle står i såkalla «boksar», altså er det å rekne som litt småinteressant tilleggsinformasjon. Og det handlar berre om samlingar, nærmare bestemt om Nasjonalbiblioteket og bruken deira av kunstig intelligens i samanheng med samlingane. Pluss litt om Språkbanken, som ligg på NB. Ikkje uinteressant dette, men digitale bibliotektenester er faktisk meir enn samlingar, noko denne krisa har synt oss.
Og talentløysa tar ikkje slutt med dét: Les mer «Biblioteksektoren må no utgreie digital beredskap på eiga hand»
Bibliotekkrisa på svensk
Den svenske Facebookgruppa «Bibliotek i coronakris» er interessant for norske bibliotek når dei skal opne igjen. Fleire svenske bibliotek har lang røynsle med å halde ope under Koronaen og prøve å ikkje spreie smitta.
2507 medlemmar per 14. april. Krev medlemskap, men det er ikkje noko problem for norskingar. Underteikna er rett nok 1/8 svensk.
Snart opning av biblioteka?
Om ikkje opninga av barnehagar og «småskolen» osv. fører til ny oppblomstring av Koronaen, kan det bli snakk om å opne biblioteklokala igjen i løpet av mai eller noko. Men det bør ikkje skje utan ei spesifikk rettleiing for korleis bibliotek skal te seg.
Sjå også «Sju forslag for den nære framtida».
Førebels har vel ingen land opna biblioteka sine igjen, så vi må sjå på kva dei gjorde før dei stengde. Og der dei enno ikkje har stengt, med andre ord Sverige. Og truleg i Antarktis, til dømes på den australske forskingsbasen.
Her fann vi ei tilråding til Korona-opne bibliotek i Iowa, USA, datert 13. mars: Les mer «Snart opning av biblioteka?»
No April Fool’s Joke
On April 1, 2020, the Norwegian Library Association (NLA) announced that the undersigned is awarded the Association’s bi-annual prize for this blog and as a journalist and editor for the NLA for almost ten years. The award ceremony was to take place during the bi-annual Library Conference in Haugesund on March 19, but as everyone knows… I got it virtually, though.
Virtuell lesesirkel!
Den svenske avisa Aftonbladet oppmodar til lesing av Albert Camus’ roman «Pesten» frå 1947 og innbyr til «samtal mellan Aftonbladets litteraturkritiker Carl-Michael Edenborg och kulturchef Karin Pettersson. Via en chatt med dem är alla välkomna att dela med sig av de tankar och infall boken ger upphov till».
Sånt kan vel bibliotek også få til.
Når det gjeld «Pesten»: Har akkurat lytta til boka på Storytel, på svensk. Må vedgå at ho var endå meir engasjerande no enn då eg las henne for snart femti år sidan. Men kva med ei bok som «Kvinne ved tidens rand» av Marge Piercy? Som handlar om forsøka på oppbygging av berekraftige og demokratiske lokalsamfunn etter ein global katastrofe. Heller inga ny bok, men …
Virtuell skranke
Tidsskriftet Knowledge Quest frå den US-amerikanske skolebibliotek- foreininga har ei sak med tittelen: Ten Ways to Change Our Physical Spaces into Virtual Libraries. Her finn vi blant anna dette forslaget: «Build a virtual desk. Completely update your school library landing page to include visual links to the most important things students and staff might need to access during this time. Consider including a new “Ask the Librarian” button that links directly to an Open Google Meet».
Biblioteket tar saka #librarycase 